Aurora Folk Group

 

L-Aurora Folk Group twaqqaf fl-1973 minn fost l-Aurora Youth Movement, bħala l-ewwel grupp folkloristiku f’Malta u Għawdex kif irreġistrat fil-Qorti ta' Għawdex. Il-grupp folkloristiku Aurora jaf is-snin tad-deheb tiegħu fis-70 u t-80 meta kien l-unika grupp folkloristiku fil-gżejjer. Dak iż-żmien kien jagħti spettakli fil-maġġoranza tal-ħwienet Għawdxin, serati kulturali, iljieli Maltin u entertainment fil-lukandi ewlenin madwar Malta u Għawdex. 

Ritratt meħud fl-ewwel snin tal-Aurora Folk Group.

Aktar tard ukoll, il-grupp baqa’ b’mod regolari jsiefer f’diversi pajjiżi fosthom il-Libja, it-Tuneżija, l-Eġittu, Franza, l-Irlanda, l-Ingilterra, l-Isle of Wight, Sqallija, l-Italja u l-Polonja. Il-grupp jgħożż partikolarment l-ispettakli li kien għamel fil-beraħ fi Piazza di Spagna f’Ruma u l-udjenza privata mal-Qdusija Tiegħu, Ġwanni Pawlu II fl-2001. Illum għadu wieħed mill-gruppi folkloristiċi ewlenin fil-qasam b’investiment kontinwu f’kostumi u ornamenti sinjorili, awtentiċi u dettaljati aktar minn qatt qabel.

L-Aurora Folk Group f'udjenza mal-Papa (19.09.2001).