Il-Kumitat Ċentrali tas-Soċjeta` Filarmonika Leone jiġi elett minn fost il-bandisti fil-bidu tas-sena. Huwa jinkludi l-karigi ta’ President, Segretarju, Segretarju Amministrattiv Kaxxier, Prokuratur tal-Festa, Direttur tal-Każin, Uffiċjal għar-Relazzjonijiet Pubbliċi, Arkivista u l-assistenti rispettivi tagħhom flimkien ma’ xi karigi oħra li jinħass il-bżonn tagħhom minn żmien għal żmien. Huwa l-Kumitat Ċentrali li jaħtar Surmast direttur, assistent surmast, għalliema tal-alljievi, direttur spiritwali, avukat difensur, u żewġ awdituri. Ix-xogħol tal-kumitat huwa li jiltaqa’ b’mod regolari biex jiddiskuti u jimplimenta materji li jersqu għall-attenzjoni tiegħu mill-membri u mill-bandisti. Il-kumitat jista’ jiddelega xi xogħol u jieħu pariri minn kummissjonijiet speċjali li huwa jaħtar.

Kumitat 2010